प्रहरीले पालना गर्ने व्यक्तिगत स्वास्थ्य सुरक्षा मापदण्ड,मानव अधिकारको पालना र प्रहरी आचर संहिता बारे घुम्ती अनुशिक्षण कार्यक्रमको सुरूवात

काठमाडौं २०७७ असोज ७ गते ।

            विश्वभर फैलिएको Covid 19 को महामारीका कारण शुरू भएको Lockdown र Lockdown खुलेपछि देखिएको विरोध तथा प्रर्दशनहरूको नियन्त्रणमा प्रहरी कार्वाही गर्दा पालना गर्ने व्यक्तिगत स्वास्थ्य सुरक्षा मापदण्ड,मानव अधिकारको पालना र प्रहरी आचरण संहिता बारे महानगरीय प्रहरी कार्यालय मातहत प्रहरी कर्मचारीहरूलाई सचेत र सजक बनाउने उद्धेश्यले आज मिति २०७७/६/७ गते बाट मानवअधिकार, प्रहरी आचरण संहिता र महामारीको समयमा प्रहरी कार्बाही विषयक १ घण्टाको घुम्ती अनुशिक्षण कार्यक्रमको शुरूवात गरिएको छ । कार्यक्रममा महानगरीय प्रहरी कार्यालय,रानीपोखरीका प्रमुख प्रहरी नायव महानिरीक्षक विश्वराज पोखरेलले नागरिकको हक अधिकारलाई सम्मान गर्दै प्रहरीले व्यवसायिक जिम्मेवारी गर्नुपर्ने बताउनुभयो । फिल्डमा खटिएका प्रहरीका समस्या,गुनासो र व्यक्तिगत स्वास्थ्य सुरक्षा मापडण्ढ पालना गर्दै उच्चतम व्यवसायिक क्षमता प्रर्दशन गर्नुपर्ने र नागरिकले अपेक्षा गरे अनुरूप शिष्ट व्यवहार गरी मानव अधिकारको सम्मान गर्नुपर्ने जस्ता समासमाहिक सम्बोधन गर्नुभयो । महादेवस्थान पार्टी प्यालेस कोटेश्वरमा भएको कार्यक्रममा प्रहरी वरिष्ठ उपरीक्षक किरण बज्राचार्यले महानगरीय प्रहरीको अवधारणा,आधुनिक तथा  Smart policing  को बिषयमा अनुशिक्षण प्रदान गर्नुभयो । प्रहरी नायव उपरीक्षक रबिन्द्र खनालले नेपाल प्रहरीको आचरण संहिताबारे प्रकाश पार्नुभएको थियो । कार्यक्रममा महानगरीय प्रहरी वृत्त बानेश्वर अर्न्तगतका सिनिय प्रहरी अधिकृत, जुनियर प्रहरी अधिकृत तथा अन्य दर्जा  समेत गरी ६० जनाको सहभागी रहेको थियो ।  

      त्यसै गरी महानगरीय प्रहरी वृत्त सिहंदरबार अर्न्तगतका सिनिय प्रहरी अधिकृत,जुनियर प्रहरी अधिकृत तथा अन्य दर्जा  समेत ५१ जनालाई कार्की बैंकुट बबरमलमा उल्लेखित विषयमा आजै अनुशिक्षण प्रदान गरीएको थियो ।